FORUMI MUSLIMAN I SHQIPËRISË
Deklaratë për Shtyp
FMSH dënon sulmin terrorist të komandove izraelit
02/06/2010
Forumi Musliman i Shqiperisë mësoi me tronditje dhe indinjate per sulmin terrorist të komandove izraelite ndaj një flote humanitare me vullnetare nga 33 shtete anëtare të Organizatës së Kombeve të Bashkuara e cila në mbrëmjen e 31 Majit 2010 po dërgonte ndihma humanitare dhe rindërtuese për banorët e vuajtur e të shtypur te Rripit te Gazës.
Gjatë këtij sulmi të paprecedent për botën e qytetëruar u vranë rreth 19 aktivistë humanitarë si edhe u plagosën rreth 30 të tjerë duke e kthyer këtë iniciativë humanitare në një tragjedi jo vetëm për anëtarët e kësaj flote por për të gjithë ata që shpresonin në një zgjidhje paqësore si dhe në ç’bllokimin e embargos izraelite ndaj popullit palestinez të Rripit te Gazës.
Forumi Musliman i Shqipërisë dënon me forcë këtë akt barbar si dhe u kërkon autoriteteve izraelite të bëjnë transparencën e kësaj ngjarjeje duke nxjerrë edhe përgjegjësit.
FMSH përshendet deklaraten e Ministrisë së Punëve të Jashtme të Republikës së Shqipërisë e cila e cilëson këtë sulm si të pajustifikueshëm si dhe i bashkohet protestes se mbarë komunitetit ndërkombëtar, Kombeve të Bashkuara dhe të Bashkimit Evropian për ngjarjen në fjalë.
Ne besojmë se akte të tilla të cilat janë bërë të zakonshme nga forcat izraelite në krye të cdo përpjekjeje për bisedime apo për ulje në tavolinë, provojnë faktin se shteti izraelit nuk ka qenë dhe nuk është e interesuar për zgjidhjen paqësore të konfliktit në Lindjen e Mesme.
FMSH beson se një qëndrim rigoroz nga ana e OKB-së dhe organizmave të tjera ndërkombëtare në lidhje me këtë çështje, do të garantojë që e drejta ndërkombëtare të funksionojë dhe të mos ngelet peng e grupimeve të caktuara në kurriz të të tjerëve.
_______________________________________________________
Njoftim për editorët:
Forumi Musliman i Shqipërisë është një organizatë e shoqërisë civile, qëllimi i të cilës është të luftojë racizmin, islamofobinë dhe ksenofobinë.
Te drejtat e rezervuara. Forumi Musliman i Shqipërisë