FORUMI MUSLIMAN I SHQIPËRISË DEKLARATË PËR SHTYP / ARKIV 08.07.2005 Forumi Musliman i Shqipërisë dënon me indinjatë të thellë aktet terroriste që janë kryer në Londër më 07.07.2005. ai shpreh dhimbjen e thellë për viktimat e këtij atentati çnjerëzor dhe bashkohet me familjet e viktimave dhe gjithë popullin britanik në dhimbje. Terrorizmi si fenomen nuk ka lidhje me thelbin e asnjë religjioni, dhe aq më tepër me atë Islam, i cili paqen, mirëkuptimin dhe tolerancën midis njerëzve e ka në themelin e tij. Forumi Musliman i Shqipërisë është i angazhuar në mbrojtjen dhe kultivimin e vlerave më të çmuara të qytetërimit në përgjithësi, dhe atij musliman në veçanti, dhe tërheq vëmendjen se akte të këtilla kriminale dhune, mbi njerëz të pafajshëm nuk mund të zgjidhin asnjë lloj problem. Përkundrazi ato janë rrënuese të harmonisë ndërqytetëruese dhe ndërfetare, dhe bien ndesh me mësimet e Islamit. Forumi Musliman i Shqipërisë i apelon të gjithë shqiptarëve kudo që ata ndodhen, dhe në veçanti shqiptarëve muslimanë që jetojnë në Britaninë e Madhe, që në këto momente dhimbjeje dhe terrori t’i qëndrojnë pranë popullit britanik dhe ndajnë me ata dhimbjen. Në të njëjtën kohë, Forumi Musliman i Shqipërisë i bën apel Komunitetit Ndërkombëtar dhe mediave në përgjithësi, që në opinionet e tyre, të bëjnë një herë e mirë dallimin e qartë ndërmjet Islamit dhe terrorizmit si dy realitete që e përjashtojnë njëra-tjetrën. Lexime: 176...